Argentina vs Brazil: Copa America final prediction as Messi and Argentina hope to end 28-year wait.
Di world of football go witness anoda epic final match between archrivals, Brazil and Argentina for di Copa America 2021.
Na 10 South American kontris participate for di 47th edition of di Copa America wey dem bin schedule for 2020, but dem postpone am to 2021 sake of di coronavirus outbreak.
Argentina reach di final afta dia semi-final win against Colombia for penalty shootout afta dem play 1-1- draw for regulation time.
Di defending champions Brazil enter final afta dem beat Peru 1-0 wit first half goal from Lucas Paqueta.
Na Brazil dey host di 2021 Copa America Tournament in five venues of Brasília, Goiânia, Cuiabá and Rio de Janeiro.
But na for di prestigious Maracaná Stadium for Rio de Janeiro dem go play di final.
Brazil dey hope for dia 10th title for di South American championship while victory for Argentina go make dem become 15 time winners of di tournament.
Di major player to watch out for ahead of di Copa America final match na Lionel Messi fore Argentina and Neymar for Brazil.
Brazil: Ederson Moraes, Danilo, Marquinhos, Thiago Silva, Renan Lodi, Casemiro, Fred, Everton, Lucas Paqueta, Richarlison, Neymar.
Argentina: Emiliano Martinez, Nahuel Molina, Nicolas Otamendi, German Pezzella, Nicolas Tagliafico, Rodrigo De Paul, Guido Rodriguez, Giovani Lo Celso, Lionel Messi, Lautaro Martinez, Nicolas Gonzalez.
Since football history Brazil and Argentina don meet 107 times – but na only few times dem don meet for di final of major tournaments.
Di rivalry between Brazil and Argentina na one of di oldest and most popular for di world.
Sabi pesin for football China Acheru say di Copa America final go dey very special for Barcelona captain Lionel Messi wey dey pursue im first international trophy «dis match fit be Messi last tournament for im kontri,» im tok.
Acheru say: «Brazil don show quality since di tournament start and dem be huge threat to Argentina success. But because of Argentina depth and experience plus Messi influence Argentina go win di match 2-1.»
Compra online la Camisetas de fútbol! En JD encontrarás las del FC Barcelona, Real Madrid, la selección de España y equipos internacionales. Encuentra aquí todos los fichajes de fútbol, altas, bajas y rumores: Mercado de fichajes ✓ Noticias fichajes ✓ Fichajes La Liga
